காதல்

ஈர்ப்பு விசையாய் நீ

ஈர்க்கப்படும் படிவமாய் நான், 

புதுமையாய் நீ

புதுப்பிக்கப்படும் உயிர் நான், 

மகிழ்ச்சியாய் நீ

மகிழ்ந்திடும் உள்ளமாய் நான், 

நேர்மறை எண்ணமாய் நீ

உன்பிம்பமாய் நான்,

விளைந்தேன் உனை யறிய

காதல் என சிலாகித்தனன்... 

பனித்துளி

கண்ணாடி மேனி 
குளிர் தேகம்
இதமான ஸ்பரிசம்
உயிர்கொள்வதோ பின்னிரவில்
அழகோ இயற்கையின் பிம்பம் 
வைரமாய்  ஆதவனின் முதல்பார்வையில்
நாணத்தில் வண்ணம் அவன்கரங்கள் தீண்டுகையில்
புலனனைத்தும் அடங்குவது அவன்கத கதப்பில்

மனமே

எதிர்பார்க்காதே
ஏங்கிப்போவாய் !
அலட்சியப்படுத்தாதே
அவலப்படுவாய் !
தளராதே
தனிமைப்படுவாய் !
துவழாதே
வீழ்த்தப்படுவாய் !
எனினும்
உண்மையாய் இரு
உணரப்படுவாய் !!!

விவசாயி

சூரிய சந்திரர் இல்லா அதிகாலை
உறக்கம் கலைந்தும் கலையா பறவைகள்
பணித்துளி வடிந்தும் வடியா புல்தரை
சானம்தெளித்தும் கோலமிடப்படா மண்தரை
இவன் மட்டும் விழித்து தெளிந்த மனத்துடன்

வானவில்

வான்திரையில்;

எதிரொளிக்கும்
ஒளியும் நீர்த்துளியும்
கொண்டாடும் ஆனந்தக் கூத்து